Táragas!!!!!

Nú er ástandið orðið alvarlegt og ég vona að stjórnendur lögreglunnar veitist gæfa til að hafa stjórna á liðinu.

Ég hef bent á það áður að fari stjórnvöld ekki að kröfum landsmanna þá er stutt í blóðug átök sem ekki verður séð fyrir endann á. Gerum okkur ljóst að hér er að skapast alvarlegt byltingarástand.

Það er sjálfsögð krafa í hverju lýðræðisríki að krefjast kosninga og það er skylda stjórnmálamanna að verða við svo afgerandi kröfum sem fram hafa komið frá því að upp komst um landráð stjórnarinnar.

Ísland verður aldrei endurreist af þeim landráðamönnum sem sköpuðu þau voðaverk sem framin hafa verið hér á landi.

Það er krafa mín að allir þeir stjórnmálamenn sem á einhvern hátt hafa komið að landráðinu verði ákærðir og dregnir fyrir dóm, öðruvísi verður réttlætinu ekki fullnægt.

Þessir menn hafa fyrirgert rétti sínum til að koma nálægt stjórnmálum og hafa á svívirðilegan hátt haft landslög að engu. Þeir hafa dregið heila þjóð með sér í svaðið og það mun taka áratugi fyrir íslendinga að endurheimta þá virðingu sem þeir hafa notið áratugum saman fyrir heiðarleika og dugnað.

Táragasi beitt á Austurvelli

Athugasemdir

[Fannar frá Rifi, 22.1.2009 kl. 01:16]

en hversu stór hluti almennings mun blöskra ef blóði verður spillt? ef t.d. lögreglumaður lætur lífið í átökunum eins og hefði alveg geta orðið ef verr hefði farið með múrsteinin fræga um áramótin?

[Fannar frá Rifi, 22.1.2009 kl. 01:17]

blóðugarbyltingar eiga það til að snúast upp í andhverfu sína.

[Jón Arnarr , 22.1.2009 kl. 01:40]

Mér blöskrar þegar heimska stjórnarinnar sem og þeim þúsundum íslendinga sem krefjast afsagnar hennar. Þetta er gjörspillt flokkræðislið sem haga sér eins og einræðisstjórn.

[bermudaskal (IP-tala skráð) 22.1.2009 kl. 01:40]

það er að sjálfsögðu á ábyrgð þeirra sem hlunkast og sitja afram án þess að virða kröfur almennings, án þess að taka tillit til þjóðfélagsaðstæðna og gera það eitt að koma fram með hræðsluáróður og gera lítið annað en að færa þjóðinni mistök á mistök ofan.

ef það verður blóðug bylting, þá er það á ábyrgð hins opinbera að láta ástandið ganga svo langt að til þess þurfi að verða, ég skora á lögregluna að beita ekki of miklu valdi eða valdnýðslu, sýnið skynsemi, notið ekki efnavopn gegn almenning það skyldi aldrei verða að það verði notað gegn ykkur sjalfum.

ríkisstjórnin á að skapa frið í landinu og boða til kosninga, þá getur þjóðin kveðið sinn dóm og tekið afleiðingum ákvarðana sinna á lyðræðislegan máta, en að hamra á mótmælendum, ögra þeim með því að hunsa þá eða beita lögreglunni eins og gert var í kvöld, það er valdnýðsla og ekkert annað en "blá"kalt ofbeldi , sem einræðisherrar gera gjarnan.

ég hef skömm á ríkisstjórninni, vanstjórninni sem hefur ríkt og vonandi verður þeim fleygt eins og hverju öðru rusl, það þarf að taka til á öllum stöðum hjá hinu opinbera eftir yfir 20 ára valdatíð sjálfstæðisflokksins, flokks eiginhagsmuna, einkavina og sjálftökuliðsins.