Jón Arnarr

Röksemdir frjármálaráðherra fyrir að lúta stjórn AGS eru farnar að minna ískyggilega á hegðun ríkisins og bankanna fyrir hrun þegar unnið var að því markvisst að skella skuldaklafa á alla íslensku þjóðina átján ára og eldri með húsakaupum. 
Ef menn áttu ekki fyrir þeim 10% sem upp á vantaði þegar búið var að sækja um 90% Îbúðasjóðslán, þá afgreiddu bankastjórarnir það með því að leggja upphæðina inn á bankabók í nafni húskaupanda svo hann gæti flaggað henni sem sinni eign í umsókn til Íbúðalánasjóðs.
Þegar lánsloforð var síðan fengið á grundvelli þessara falsana um eigið fé, gekk bankinn frá skuldabréfi á fasteignakaupandann til skamms tíma með veði í eigninni.
Þannig var eignin fá upphafi yfirskuldsett og greiðslugeta kaupanda þanin til hins ítrasta.
Síðar tóku bankarnir að lána 100% og lánuðu einnig fyrir lántökukostnaðnum og þinglýsingum.

Líkt er með Ísland í dag, fjármálaráðherra þakkar AGS fyrir að lána okkur fé til að leggja inn í Seðlabankann til að geta flaggað góðum gjaldeyrisforða, en það fylgir ekki sögunni hvernig við hyggjumst borga þessi lán.
Þetta er gjaldþrotastefna sem ég fæ engann veginn séð að gangi upp.
Ljóst er þó af síðustu fréttum af yfirlýsingum ríkisstjórnarinnar til AGS og ánægjuatunum þeirra að það á að blóðmjólka hinn almenna borgara enn frekar og er þá sem endra nær fyrst ráðist á garðinn þar sem hann er lægstur. 
Ég get ekki annað en undrast langlyndi þjóðarinnar eða er þetta dugleysi að láta auðvaldið troða okkur niður í svaðið áratugum saman og bera okkur síðan út á Guð og gaddinn. 
Góðir íslendingar gerum okkur grein fyrir því að þetta bíður okkar ef við ekki tökum völdin í okkar hendur. Börn okkar eru þegar gjaldþrota í og barnabörn okkar fæðast með skuldaklafa, sem ekki hverfur þó klippt sé á naflastrenginn. 

Bylting er eina lausnin og hún verður að skipuleggjast mjög vandlega. Ráðast verður samtímis til inngöngu í Alþingi, Stjórnarráðið, öll ráðuneyti, Seðlabankann, Fjármálaeftirlitið, Héraðsdóm og Hæstarétt, höfuðstöðvar allra banka og símafyrirtækja og alla helstu fréttmiðla landsins hverju nafni sem þeir nefnast, svo það helsta sé nefnt. 

Við þurfum ekki að óttast lögregluna, hún hefur einfaldlega ekki mannafla né áhuga á að berja niður landa sína sem vilja réttlæti. Fjöldi lögreglumanna líða líka fyrir ríkjandi ástand og þeirra er einnig hagurinn.
 
Berjust til þrautar gegn frekara arðráni ríkjandi afla, höfnum ríkjandi villitrúarmönnum sem buðu sig fram til Alþingis í marglitum sauðagærum.

Jón Arnarr